პოლიციელი არ არის ვალდებული, ჩართოს სამხრე კამერა, თმცა, თუკი ის კეთილსინდისიერად ახორციელებს / აპირებს განახორციელოს თავისი მოვალეობა, კამერის ჩართვა მისთვის პრობლემას არ უნდა წარმოადგენდეს.
მიუხედავად იმისა, ჩართული აქვს თუ არა პოლიციელს სამხრე კამერა, თავად გადაიღეთ ვიდეო უწყვეტ რეჟიმში ან გადით ლაივში. კანონდარღვევის შემთხვევაში, თქვენ მიერ გადაღებული ვიდეო იქნება მტკიცებულება.
პოლიციელს აქვს უფლება, იდენტიფიცირების მიზნით გადაგიღოთ ფოტო, მაგრამ მას ვიდეოს გადაღების უფლება არ აქვს.
პოლიციას ზედაპირული შემოწმების უფლება აქვს:
პოლიციას, თითოეულ პირთან მიმართებით, ყველა ინდივიდუალურ შემთხვევაში, სჭირდება კანონისმიერი საფუძველი, ზედაპირული შემოწმებისა და მისი ნივთის დათვალიერებისთვის.
ზედაპირული შემოწმება გულისხმობს მხოლოდ ტანსაცმლის გარე ზედაპირის ხელთ, ან სპეციალური ხელსაწყოთი დათვალიერებას.
ზედაპირული დათვალიერება არ მოიაზრებს პირადი ნივთების გახსნეს და შიგთავსის შემოწმებას.
საპროტესტო ატრიბუტიკა და თავდაცვის საშუალებები, როგორიცაა პირბადე, სათვალე, აირწინაღი, არ შედის აკრძალული ნივთების სიაში და მათი ფლობა მოქალაქეებს შეზღუდვის გარეშე შეუძლიათ.
